تاريخ الباتشورك

الباتشورك احد فنون "الهاند ميد"المميزه

زمان الفن ده كان مقتصر بس على اللي بيشتغل لكسب عيشه  ولكن تطور الفن واصبح  من احد الفنون اللي بيحب الاغنياء انهم يتعلموه  ..

و تعود جذوره في مصر لعهد الفراعنة و في المتحف المصري  قطعة ملابس للملك توت عنخ امون مصنوعة بطريقة الباتشورك و يرجع اصلها للأسرة ال18 و هي عبارة عن 3 طبقات مطعمة بالدهب

 

وفي عهد الأسرة 21 هنلاحظ ان الفن ده موجود في خيمة فوق مومياء الملكة "أبست أم محب" وفيها المربعات بشكل واضح باللونين الأحمر و الأزرق على شريط بيحكي قصة الملكة.. ومصنوعة من جلد الغزال و طريقة تنفيذها بنفس الطريقة الربط الموجودة في قطع الباتشورك في الوقت الحالي..

 

وهنلاحظ في لوحات المومياوات المصرية القبطية اللي تم اكتشافها سنة 1880 واتعرفت بأسم وجوه الفيوم.. وحدة ال"لودج كابن" وهي أول وأهم وحدة "باتشورك"

 

و في أمريكا ..الكولتينج Quilting هو من الفنون و الحرف التقليدية في الثقافة الغربية و اشتهرت الأمهات في أمريكا بحياكة اللحاف من بقايا الأقمشة و كان لكل فرد في العيلة لحاف من الطفل الصغير و حتى الجد والجدة و كانوا بيقضوا فيه ساعات و ايام لعمل قطعة واحدة يدويا و كل اسرة كانت بتفتخر باللي بيصنعوه و يتوارث جيل بعد جيل .

تاريخ الباتشورك