تصميم الازياء

العالم حاليا بيهتم جدا بالازياء والموضه وبنشوف عروض ازياء ومسابقات بيتنافس فيها المصممين علي ابتكار تصاميم مميزه ومختلفه,بيتشهر مجموعه منهم وممكن يوصلو للعاميه ,مهما اختلفنا علي اهميه تصميم الازياء في الحياه العامه الا انه هيفضل الاساس لابسط القطع اللي بنلبسها في الحياه اليوميه سواء كان لبس او اكسسورات,التصميم هو عمليه خلق افكار ومفاهيم للحصول علي قطع بتصاميم واشكال جديده سواء كان في الشكل او الخامه او الالوان وكل دا طبعا بيتاثر بالموسم الحالي.

وفي تاريخ التصميم كانت الملابس بتتنفذ بمجهودات فرديه مكنش فيه مكان مسؤل عن توفير تصاميم مميزه للاشخاص الا اذا لو طلبت من الخياط بشكل فردي حاجه مختلفه, استمر الامر علي هذا الحال لنهايه القرن ال19 .

بدات عمليه التصنيع في امريكا الشماليه خلال الحرب الاهليه, وجت الفكره من حاجه الجنود لزي موحد وبعد الحرب ظهر مصانع كتير للملابس الجاهزه وفي بدايه القرن ال20 تطور النظام وظهرت كتير من الالات الحديثه اللي ساعدت في عمليه التصنيع والانتاج وتم افتتاح كتير من محلات التجاريه الكبيره اللي بتعرض الملابس الجاهزه بدات صناعه الملابس في امريكا و اوربا وحاليا منتشره في كل انحاء العالم .

من اشهر دور الازياء العالميه : ارماني-ديور- كوكو شانيل –وغيرهم كتير ...........

تصميم الازياء