تصميم الأزياء من المجالات الممتعة جدا أنك تتعلمها لأنك بتشوف أفكارك على هيئة ملابس الناس بتلبسها في مناسباتهم المختلفة و بتشوف قدام عينك ثمار تعبك و تفكيرك في تصميم و تنفيذ القطعة، و الحقيقة ان كتير من الناس في الفترة الأخيرة توجهت للمجال ده لعدة أسباب منها مثلا انهم يعملوا لبسهم بنفسهم و على ذوقهم الخاص و فئة تانية توجهت للموضوع بشكل تجاري اكتر أنهم يبدأوا مشروع خاص في صناعة الملابس.. 

 

و علشان يحققوا ده و يتعلموا تصميم وتنفيذ الأزياء كان من الضروري انهم يتعلموا بعض المهارات المهمة جدا علشان يكونوا مصممين أزياء محترفين و عندهم  بصمتهم الخاصة..

 

تعالوا مع بعض نتعرف على بعض الخطوات اللي هتساعدك تكون مصمم أزياء محترف.. 

 

أولا:اتعلم الرسم 

 

مش بالضرورة تكون رسام بارع علشان تصمم أزياء ، في كثير من مصممي الأزياء لهم أسلوبهم الخاص و الشخصي في التعبير عن أفكارهم، يعني كل المطلوب منك انك تتعلم تعبر عن أفكارك بشكل بصري من خلال الرسم.

 

ثانيا : اتعلم الخياطة 

 

كتير من مصممي الأزياء المبتدئين بيقعوا في فخ " مش لازم اتعلم الخياطة انا مش هنفذ بنفسي" ، حتى لو مش هتنفذ بنفسك لازم يكون عندك خلفية عن البيئة اللي هتكون فيها كمصمم أزياء اثناء عملية التصنيع و المصطلحات الفنية المختلفة و انواع المكن و طريقة خياطة القطع الأساسية على أقل تقدير. 

 

ثالثا: تعلم التصميم 

 

لو عايز تكون مصمم أزياء مميز و مبتكر من أهم المهارات اللي لازم تتعلمها هي نظريات التصميم و من المصادر المهمة اللي هتساعدك تبدأ في مجال التصميم هو كتاب للمصمم " مولي بانج" بإسم "تصور هذا : كيفية تأثير الصور"، حاول الإطلاع على مصادر متعددة ولا تحصر نفسك في دراسة تصميم الأزياء فقط.. لن تتخيل مدى تأثير دراسة حاجة زي الطباعة على قدرتك على تعلم التصميم.. الأمور متشابكة في التصميم لدرجة لا يمكن تخيلها. 

 

رابعا : تعلم عن الأزياء 

 

اتعلم كل شيء تقدر تتعلمه عن عالم الأزياء، كلمة السر في نجاحك كمصمم هي "الاطلاع" 

انك تكون مطلع على كل جديد في عالم الموضة حتى ان كنت تصمم الملابس على الموضة دلوقتي مع مرور الوقت هتكتشف أن تصميماتك غير متماشية مع الموضة، مصمم الأزياء المحترف يفكر باستمرار في المستقبل وتطوراته السريعة 

 

خامسا : تعلم التكنولوجيا و المصادر 

 

لا غنى عن التكنولوجيا في الآونة الأخيرة و ترتبط ارتباط كبير بكل المجالات الفنية و العملية المختلفة 

فمن المهم جدا انك تتعلم برامج الرسم المختلفة مثل "ادوبي الستريتور" او " الفوتوشوب" لتعديل الصور او الرسم الديجيتال على التابلت من شركة معروفة زي " واكوم". 

المصادر مهمة كمان زي موقع "ليندا" أو "+Tuts" 

 

و كخطوة أخيرة مهمة جداً في العالم الرقمي اللي نعيش فيه حاليا هو انك تتعلم التسويق لمنتجك على المنصات المختلفة و اللي اصبح له طرق مختلفة و متعددة، ننصحكم في البداية بالبحث و تعلم الطرق البسيطة في التسويق و البداية بالمجهود الذاتي في التعلم مع مراجعة الأمور الفنية  مع صديق متخصص علشان  لا تتحمل أعباء مادية كبيرة في أول مشروعك  و ممكن تلجأ كمان انك تتعلم التسويق
بنفسك من خلال الكورسات الموجودة في محيطك أو من خلال مصادر موثوق منها على الانترنت .

 سجل الآن في دبلومة الأزياء الشاملة من نقوش من خلال اللينك : 
https://bit.ly/NoqoushFashionDiplomaREGISTER